الشروط والأحكام

باستخدامك لتطبيق كار كلين (Car Clean) أو هالموقع، إنت موافق على هي الشروط.

الحساب

بتسجّل باسمك ورقم موبايلك الحقيقي. إنت مسؤول عن الحفاظ على كلمة المرور، وعن صحة المعلومات يلي بتكتبها (العنوان والسيارة).

الحجز

الحجز مبدئي لحتى نأكده معك. منقدّم الخدمة بالمناطق المعروضة بالتطبيق فقط، وبعض المناطق إلها رسوم توصيل إضافية بتبين قبل الحجز.

الأسعار

السعر المعروض بالتطبيق تقديري وحسب حجم السيارة والخدمة والإضافات. إذا حالة السيارة الفعلية بتختلف كتير عن الموصوف، ممكن الغسّال يعدّل السعر ضمن حد معيّن مع ذكر السبب، وأي زيادة أكبر بدها موافقة الإدارة. بتشوف السعر النهائي بالتطبيق قبل ما يبدأ الغسيل.

بدء الغسيل

الغسيل بيبدأ لما تمسح رمز QR يلي عند الغسّال من التطبيق. لحظتها منسجّل موقعك للتأكد إن الغسلة صارت بالمكان الصح (شوف سياسة الخصوصية).

الإلغاء

فيك تلغي مجاناً من التطبيق لحد الوقت المسموح يلي بيبين بالتطبيق قبل الموعد. بعدها تواصل معنا.

الدفع

الدفع كاش فقط للغسّال بعد انتهاء الغسيل، بالسعر النهائي الظاهر بالتطبيق.

عدم الحضور

إذا ما كانت السيارة موجودة أو ما قدر الغسّال يوصلها بالموعد بدون إلغاء، بيتسجّل غياب وبيوصلك إشعار. تكرار الغياب ممكن يأدي لإيقاف الحساب.

المحادثة والشكاوى

المحادثة مع الغسّال مخصّصة لأمور الحجز. إذا عندك مشكلة، قدّم شكوى من التطبيق ومنرد عليك. الإساءة للغسّالين أو للزبائن ممكن تأدي لإيقاف الحساب.

المسؤولية

منهتم بسيارتك وكأنها سيارتنا. إذا صار ضرر بسبب الغسيل، بلّغنا من التطبيق بنفس اليوم مع صور، ومندرس الحالة. ما منتحمل مسؤولية أغراض متروكة بالسيارة أو أضرار موجودة قبل الغسيل.

التواصل